Nu pakhat fa 8 nei tawh chuan a fa phir pai chu damdawiina neih a duhloh chhan puang chhuakin, an living room-ah a neih lai chu video a la in, online lamah a pho chhuak.
Sarah Schmid kum 38 mi, tuna France a khawsa mek chuan a fa 8-te chu damdawiina neih aiin In lama neih a thlang zawk.
A fa 7-te hi damdawi lam enkawlna tel miah lova a hrinchhuah vek an ni.
Sarah hian a fa phirte hi an living room-ah a hring chhuak a, naute a pawhchhuah mek lai chuan a fate chu an lo infiam vel a ni.
Sarah hi Dâktawr ni tura zir nimahsela chhungpuinu nih chu a thlang ta zawk a ni. A fa 7-te hi Swedish ramngawa an In huanahte leh an living room-ah te an piang a ni.
A nunna atana hlauhawm khawpin naute hring tawh mahse fa phir neih chu a tum leh tho a, tunah hian phîr unau Samuel leh Sarah te chu thla 10 a upa an ni ve tawh a ni.
Sarah-i chuan midang tel miah lova nau a neih ṭantirh atangin a nau neihlai zawng zawng chu video in a la vek a, Youtube channel siamin followers mi 40,000 chuang a nei bawk.
Sarah leh a pasal Tim, 43 chuan fa Johanna, 13, Jonathan, 11, Emanuel, 9, Elisabeth, 7, Konstantin, 5 leh Kiran, 3 te an nei bawk a ni.
Sarah chuan phir lo piang tur chu a hlauh loh thu a sawi a, lo piang chhuak turin darkar 5 vel hun a duh a, a pasalin phirte Samuel leh Sarah chu a chelhsak ve ve tih a sawi.
Room chhungah chuan thlalatu leh thian an awm ve bawk a, ka fate awm bawkin an duh chuan an en thei ve bawk tiin a sawi a ni.
“Ka hlau miah lova– phir nei tur hian nasa takin ka inbuatsaih a, ramri hriatchian lohna hmuna ram chhuah ang deuhah ka inngai” tiin a sawi a ni.
“Naute pakhat ka neih lai ai chuan ka rilru zawng zawng ka pe zual a, chîk taka zirchiang in naute chharthiamte pawh ka rawn bawk” tiin Sarah chuan a sawi bawk.
Sarah-i chuan fa a hrin lai ngei a pholan nachhan chu hmeichhe tam takin fa neih an hlauhna a tih-reh phah ringin chakna a pek a beisei a ni.
Nau neih nan hmun langsar lo leh biru deuh a thlang thin a, a tak ngeia ava tihna chuan a zia a hriatchian phahin a hahdam phah hle tih a sawi a ni.
Mi ṭhenkhatin an sel ṭhinnate pawh a pawm thiam hle a, ṭhenkhat phei chuan thihna hial thleng thei anih avangin pawisak nei lo leh dâwn tawi tiin an sel bawk a ni.
Sarah-i chuan, “Hmeichhia te hi zirtirna pek ka duh a ni, tichuan an lo pianchhuah a hlauhna leh inngaih hniamna an neih thin hi rinna, hriatna leh thil hriatthiam theihna an pianpui hmang hian hneh hlawm se ka duh a ni” tiin a sawi.
Media lam hian naute neih chu rikrum thil ang deuha ngaiin damdawiina nei turin mi an zirtir thin a, chutah chuan Dâktawrten nu na tuar atangin naute an chhar thin a ni. Chhungkuaah naute neih hi a hlimawmin a thlamuanthlâk tih lantir a duhthu a sawi.
A na kha chu buaipui tur ber a ni lova, a chhan chu phirte hi ka nei awlsam ber tlat, an lu a tet bik avangin tiin a sawi a ni.
